Jólaókindur á kreiki

Ég hef verið að segja nemendum mínum frá ýmsum jólaókindum eins og Jólakettinum, Grýlu, Leppalúða og svo gömlu jólasveinunum. Þau horfa á mig með hryllingi enda ekki furða þegar maður fer að spá í það. Ég get ekki ímyndað mér að börnin hafi hlakkað mikið til jólanna hér áður fyrr því þá fóru þessar ókindur á kreik. Ef þú lentir ekki í krumlunum á Grýlu þá var viðbúið að Jólakötturinn næði að læsa klónum í þig. Það skipti ekki máli hvort þeirra náði þér því örlögin voru þau sömu, þú varst étinn!!!